Pomegranate que vòu celebrar las tradicions d'ua Gasconha multiculturau, la soa longa istòria d'arcuelh e d'immigracion e tot çò qui a contribuat a la soa cultura per las òbras d'art, la literatura, la dança, la musica, l'artisanat, la cosina, los aubres e las plantas...
Rejunhetz nos entà explorar las nombrosas culturas que se son establidas en Gasconha peu passat e qui contunhan a s'i installar, e entà descobrir çò que partatjam au delà de las nostas diferéncias.
Que cercam istòrias, poèmas que contan per exemple l'arribada e l'enrasigament en Gasconha (experiéncias recentas o transmetudas per las generacions passadas). Aquò que pòt estar soviéners d'enfança, de tradicions especiaus, de jòcs, l'istòria d'un objècte o de personas... Aquò que pòt estar la descripcion d'atrunas de cosina, d'ingredients, d'ua hèsta o d'ua recèpta...
Que podetz escríver un soviéner o tot auta causa, quauques mots o tota ua istòria... Que serà publicat devath lo vòste nom, o un aute o anonime, com ac desiratz...
Entà sosméter las vòstas contribucions entà publicacion (maximum 1000 mots) o si avetz questions, mercés d'escríver a